Lasta Kiso

Lasta Kiso de Edmond Privat

Lasta Kiso

Vi kien flugas, papilio,
  Tremante kaj rapide?
Jam mortis rozo kaj lilio
  Kaj venas frost' perfide.

Flugilo viaj kvazaŭ lampo
  Briletas en nebulo.
Vi kion serĉas tra la kampo,
  Perdita somerulo?

Dezertaj estas la ĝardenoj,
  Tra kiuj vagis amo via.
Skeletoj ŝajnas la vervenoj
  Sub kverko senfolia.

Vi kial flugas en malvarmo
  Tra floro la tombejo?
Sur ĉiu loko pluva larmo
  Nun restas en herbejo.

Silentas ĉiuj en la nestoj
  Kaj svenis bonodoroj
Jam ne batalos vi kun vespoj
  Pri la floretaj koroj.

Jen restas nur en kampo vasta
  Velkinta krizantemo
Sur kiu kiso via lasta
  Mortigos vin en tremo.