Æterne rex, altissime

El Vikifontaro
Jump to navigation Jump to search

> Ĉefpaĝo:Esperanto
> Kategorio: Brevier-Himno
> Sistema listo de ĉiuj latinaj Brevier-Himnoj
> Alfabeta listo de ĉiuj latinaj Brevier-Himnoj

Brevier-Himno[redakti]

esperante:

Eterna Reĝo, Plejaltul',
de l' fideluloj Redemptor',
per kiu svenas nia mort',
por ke triumfu Dia grac'.

Vi dekstre de la Patro nun
la tronon prenas por la juĝ',
al Vi donatas Di-potenc'
pri ĉio, ne nur pri la hom'.

La tri-etaĝa mond-struktur,
ĉielo, tero kaj infer',
submetu sin al Via fort'
genu-fleksante antaŭ Vi.

Anĝeloj vidas kun admir'
la ŝanĝon de la homa sort':
el pek' la karnon savas karn',
la karno, kiu estas Di'.

Vi, Kristo, estas nia ĝoj',
Vi restas nia daŭra glor',
la mond-aferojn regas Vi
kun ĝoj' pli granda ol sur ter'.

Ni Vin petegas kun insist'
pro niaj ŝuldoj pri pardon'.
Sin levu supren nia kor'
al Vi per elĉiela grac'.

Ne punu nin laŭ nia ŝuld',
sed, kiam venos Vi juĝist'
sur ruĝa nub', redonu Vi
la kronon, kiun perdis ni.

Nun estu glor' al Vi, Jesu',
iranta supren al ĉiel',
kun Viaj Patro kaj Spirit'
tra ĉiuj tempo kaj eon'.

latine:

Æterne rex, altissime,
redemptor et fidelium,
quo mors soluta deperit,
datur triumphus gratiæ,

Scandis tribunal dexteræ
Patris, tibique cælitus
fertur potestas omnium,
quæ non erat humanitus.

Ut trina rerum machina
cælestium, terrestrium
et inferorum condita,
flectat genu iam subdita.

Tremunt videntes angeli
versant vicem mortalium:
culpat caro, purgat caro,
regnat caro Verbum Dei.

Tu, Christe, nostrum gaudium,
manens perenne præmium,
mundi regis qui fabricam,
mundana vincens gaudia.

Hinc te precantes quæsumus,
ignosce culpis omnibus
et corda sursum subleva
ad te superna gratia,

Ut, cum rubente cœperis
clarere nube iudicis,
pœnas repellas debitas,
reddas coronas perditas.

Iesu, tibi sit gloria,
qui scandis ad cælestia
cum Patre et almo Spiritu
in sempiterna sæcula.


Latina teksto:

nekonata verkinto, eble 5-a jarcento

Esperanta traduko:

Albrecht Kronenberger 2008

Breviero:

Paska tempo > ekde Ĉieliro > horo de la legaĵoj

Eksteraj ligiloj[redakti]