Ŝipo

El Vikifontaro
Iri al: navigado, serĉi
En Tia Horo Indekso : Ŝipo (1912)
de Eska
Mia Ĝardeno
Aperis en Unuaj agordoj.

Ŝablono:Centro
Sur blua maro ŝipo naĝas
Kun etendita velo...
Kien rapidi ĝi kuraĝas?
Sur blua maro ŝipo naĝas
Al malproksima celo.

Post si, ĝi larĝan sulkon slgnas
Kaj naĝas kun maltimo,
Ĉar ŝipo ĉion jam rezignas,
Post si, ĝi largan sulkon signas,
Por ĝi ne estas limo.

Al land' ŝip' naĝas nekonata,
Ĝin batas ond' sovaĝe,
Per lerta mano kondukata,
Al land' ŝip' naĝas nekonata



    Antaŭen kaj kuraĝe! Ekblovis forta vento,
        Nubigas jam ĉiel',
    Kaj maron ĉirkalŭpremas
        Subite la malhel'.

    L' ondegoj batas ŝipon,
        Rompiĝas blanka vel',
    Sed ŝipo naĝas ĝiam
    Al malproksima cel'.

    Kun bru' la ondoj ŝaŭmas,
        Kun tondra akompan',
    Moviĝas jam ventego
        Sur maro uragan'.

    Venteg' ĝin ne timigas,
        Nek forta uragan',
    Ĉar rekte ĝin kondukas
        La lerta, sperta man'...



Vane l' ondegoj batas ŝipon,
    Vana ilia peno,
        Montriĝas jam haveno!

Post longaj jaroj da naĝado,
Post vana, longa la serĉado
        Ĝi fine venas celon.

Trankvila nune estas maro,
Sur voj' nenia staras baro,
        Do ĝi volviĝas velon.
Ŝablono:Fincentro