Amanda

El Vikifontaro
Jump to navigation Jump to search
Informoj pri la teksto
Titolo: Amanda
Aŭtoro: Martin Wiese, Bertilo Wennergren
Fonto: [1]
Permesilo: CC BY-SA 3.0

teksto: Martin & Bertilo
muziko: Martin

Nun estas jam la tria foj’
Dum tiu ĉi semajno nur
Ke iras ni sur sama voj’
Ĉu venos ni al mur’

Ĉu devas ĉiu paŝo
Nin konduki ĝis la fin’?
Ĉu eblas amikeco
Inter viro kaj virin’?

Amanda!, kion volas vi?
Amanda!, ĉu same kiel mi?
Amanda!

Kaŝite kreskas mia mir’
Mi estas eble nur stultul’
Kiam tempo venas por disir’
Ni haltas ĉe la stratangul’

Vi staras ĉi-apude
Mi sopiras al ektuŝ’
Mi kisas vin survange
Sed neniam sur la buŝ’

Amanda!...

Mi volas de vi la respondon
Al silenta demando
Kiun mi ne kuraĝas demandi al vi
Mi serĉas en viaj okuloj
Kaj en via voĉo

Amanda!...