Barnabæ clarum

El Vikifontaro
Salti al navigilo Salti al serĉilo

> Ĉefpaĝo:Esperanto
> Kategorio: Brevier-Himno
> Sistema listo de ĉiuj latinaj Brevier-Himnoj
> Alfabeta listo de ĉiuj latinaj Brevier-Himnoj

Brevier-Himno[redakti]

esperante:

Festas la venkon ni de Barnabaso,
kiu ekbrilas per ĉiela krono,
postkiam li por Krist' kaj ties gloro
multon suferis.

Kampon li vendas por komuna bono,
montras, ke fido vivas per la amo,
helpas ke nova gent', la kristanaro,
gaje ekfloras. (Ago 4,36-37)

Ĝoje ekkonas li la grandan Paŭlon,
petas, instigas, helpas, kunlaboras,
traas kun li, laŭvole de l' Spirito,
multe da landoj.

Multajn fervore gvidas li al Kristo.
Multajn li paŝtas sen sin mem domaĝi.
Fine li donas sian ruĝan sangon,
gajnas la palmon.

Per liaj preĝoj, Dio, Vi donacu,
ke ni persistu sur la voj' de l' savo,
ĝis en eterna dom' al Vi ni kantu
kantojn de laŭdo.

latine:

Barnabæ clarum colimus tropæum,
quo micat celsus merita corona,
multa pro Christi vehementer usque
passus honore.

Abdicans agro, generosus urget
ut, fide vivax ope caritatis,
nominis plebes nova christiani
læta virescat.

Quam libens noscit, petit atque defert
maximum Paulum, socio labore
Spiritus nutu peragrans fidelis
litora multa!

Nil sibi parcit cupidusque Christo
plurimos affert, bonus atque pascit,
donec effuso rutila probatur
sanguine palma.

Da, Deus, tanto famulo rogante,
nos sequi fortes iter ad salutem,
ut domo æterna tibi concinamus
cantica laudis.


Latina teksto:

nekonata verkinto

Esperanta traduko:

Albrecht Kronenberger 2009

Breviero:

Propraj tekstoj laŭ la kalendaro > la 11-an de junio > Sankta Barnabas > matena laŭdo
Propraj tekstoj laŭ la kalendaro > la 11-an de junio > Sankta Barnabas > vespera laŭdo

Eksteraj ligiloj[redakti]