Dorna Krono

El Vikifontaro
Salti al navigilo Salti al serĉilo

Penka Batoeva


Vidu ankaŭ • See also • Vois aussi • Siehe auch: Aŭtoro:Penka Batoeva/Licence


La okuloj de patrinoj
vidas trans la estontecon,
trans la tempon
trans miljarojn
kiel ravaj sunradioj
trans la puro de kristalo
ili sentas kaj travidas,
ke la homoj unuiĝos
trans la limoj,
trans la maroj
por feliĉo de l'homaro.
La oreloj de patrinoj,
eĉ plensurdaj ili estu,
ree aŭdus la idaron,
kies krioj ĝojoplenaj
plenigas la ĉielon,
la serenon de la spaco
per la voĉo de la paco:
"Paco, paco kaj nur paco!"
La okuloj de patrinoj
vidas, eĉ se blindaj estas,
ke la idoj pliboniĝos,
ol ni - en la pasinteco
kaj detruos ĉiujn barojn
de la vana hommalamo.

Levu, levu vin junuloj
distingrasaj kaj naciaj,
kaj vi ĉiuj unuiĝu
por labor' humana!
Еn utila bela celo
jungu vi la bombojn,
la kanonojn vi transformu
al sennombra mono
kaj tiun monon
al la malriĉuloj.
Vi junuloj sur la tero
Interkompreniĝu
kaj penetru, kaj konkeru
la novajn orbitojn!
En kuna labor' kaj paco
atingu la planetojn
kaj mirindaj aerŝipoj
briloj kun kometoj.
La militoj, ili estas
estas tutesuperfluaj
malhonora dorna krono
sur la frunt' homara.
Vi junuloj niaj karaj
vi forĵetu tiun kronon!
For de mia bela mondo!
For horora dorna krono
For de la terglobo!