En Tia Horo

El Vikifontaro
Iri al: navigado, serĉi
En Revoj Mi Foje... Indekso : En Tia Horo (1912)
de Wiktor Elski
Ŝipo
Aperis en Unuaj agordoj.

En hor' de soleco, en karaj la horoj
Per ondo varmega en ar' rememoroj
Animon vizitas, parolas kun ĝi
Pri jam forpasinta.
En hor' de soleco, en tempo plej bela
Vizitas min ombro la ĉasta kaj hela,
El temp' de l' juneco ĝi venas al mi
Kun voĉ' sonortinta.
        Kaj mi refreŝita ardantan ekflamon
        Eksentas kaj koran ekĝuas balzamon.