En la valo neĝa vento

El Vikifontaro
Salti al navigilo Salti al serĉilo
Embaraso Indekso : En la valo neĝa vento
de Piotr Dalman
Tradukita de Antoni Grabowski
El Parnaso de Popoloj
En Svisujo
En la valo neĝa vento
elpoligis Antoni GRABOWSKI

 Na dolinie zawierucha
 Mokrym śniegiem dmie.

En la valo neĝa vento
Blovas ĉiam pli;
Fajro sur kameno mia
Krakas ĉirkaŭ mi.

Ĉe l' kamen' el pipo ringe
Fumon lasas mi ...
Ĉiuj rememoroj miaj
Flugas for kun ĝi.

Kie estas la esperoj,
La junec' el or'?
Kiel vento la blovanta
Ili flugis for!

Vent' sen celo, mi sen celo,
Kun vi, fumo, tri ...
Tri sen celo en la mondo
Kune flugu ni!