Ensorĉita rondo

El Vikifontaro
Jump to navigation Jump to search
En Svisujo Indekso : Ensorĉita rondo
de Narcyza Żmichowska
Tradukita de Antoni Grabowski
El Parnaso de Popoloj
Excelsior
Ensorĉita Rondo
elpoligis Antoni GRABOWSKI

 Wezmę świecę i latarnię
 I głownię z komina.

Li:
Kun kandelo kaj lanterno
Kaj brulŝtipo pina
Serĉos mi, ĉu estas ie
Honestec' knabina.

Ŝi:
Serĉos mi kun luno, steloj,
Kaj la sun' lumanta,
Eble trovos mi junulon
Kun koret' amanta.

Li:
Mi, serĉinte la knabinon,
Scias en ĉi-horo:
Por eltrovi plej honestan —
Sonu per la oro!

Ŝi:
Lumiginte, rigardinte,
Nun mi diros vere,
Ke junulo ĉiun amas,
Sed — sin mem sincere.

Li:
Mi jam trovis plej honestan,
Karan, la serĉitan,
Belan, dolĉan, en butiko —
Pupon la pentritan.

Ŝi:
Mi jam trovis unu solan,
Estas tiu kara:
Brava, juna militulo
Sur portret' centjara.

Li:
Ekrigardu pup' pentrita
Ame per okulo,
Eble el portret' ĉevalen
Saltos militulo.

Ŝi:
Militul' pentrita saltu
Sur ĉevalon flame!
Eble en pentrita pupo
Kor' ekfrapos ame!