Fulget in cælis

El Vikifontaro
Salti al navigilo Salti al serĉilo

> Ĉefpaĝo:Esperanto
> Kategorio: Brevier-Himno
> Sistema listo de ĉiuj latinaj Brevier-Himnoj
> Alfabeta listo de ĉiuj latinaj Brevier-Himnoj

Brevier-Himno[redakti]

esperante:

Glimas paŝtisto fama en ĉielo,
stelo brilegas inter la doktoroj,
sternas l' integran lumon de la fido
super la teron.

Kaŭze de ĉi elstara enloĝanto
laŭdu, Cion' ĉiela, vian Dion,
kiu mirige el si mem prodigis
tiom da lumoj.

Vigla gardanto, sankta Aŭgusteno,
fidon firmigu kontraŭ herezuloj;
morojn sordidajn per doktrina klaro
lavu vi puraj.

Vi, episkopo de l' kristana grego,
bild' de l' monaĥoj, bildo de l' klerikoj,
per viaj preĝoj faru, ke nin Dio
ĉiam favoru.

Laŭdon, honoron al la Triunuo,
kiun kun amo vi sur ter' esploris,
kies profundojn studi en ĉiela
lumo vi povas.

latine:

Fulget in cælis celebris sacerdos,
stella doctorum rutilat corusca,
lumen intactum fidei per orbis
climata spargens.

Cive tam claro, Sion o superna,
læta dic laudes Domino salutis,
qui modis miris sibi vinxit ipsum
lumine complens.

Hic fidem sacram vigil usque firmat,
arma et errorum subigit potenter,
sordidos mores lavat et repellit
dogmate claro.

Qui, gregis Christi speculator almus,
enites clero monachisque forma,
tu Dei nobis faciem benignam
fac prece semper.

Laus, honor, virtus Triadi beatæ,
cuius in terris studuisti amanter
alta scrutari nitidaque in astris
luce potiris.


Latina teksto:

Eckbert Schönau, 12-a jarcento

Esperanta traduko:

Albrecht Kronenberger 2009

Breviero:

Propraj tekstoj laŭ la kalendaro > la 28-an de aŭgusto > Sankta Aŭgusteno > matena laŭdo
Propraj tekstoj laŭ la kalendaro > la 28-an de aŭgusto > Sankta Aŭgusteno > vespera laŭdo

Eksteraj ligiloj[redakti]