Fundamenta Krestomatio/Nokt' en la koro

El Vikifontaro
Jump to navigation Jump to search
La vojo (B. N. Delvig) Indekso : Fundamenta Krestomatio
de Ludwik Lejzer Zamenhof
Nokt' en la koro
Al brusto, al mia...


Nokt' en la koro
(El BYRON.)

Nokt' en la koro . . . la harpo kuŝas . . .
Vi tuj ekkantu, kantisto!
Se vi la kordojn de l' harpo tuŝas,
Vi miron faras, artisto.

Se kor' ankoraŭ havas esperon,
Per kanto ĝi revekiĝos;
Se la okulo kaŝis larmeron,
Denove ĝi eklarmiĝos.

Kant' via tondru mondan doloron!
La gajon mi ne komprenos . . .
Vi min plorigu, movu la koron,
Aŭ mia brust' ne eltenos.

Ĝi de suferoj longe manĝiĝis,
Silentan premis la ĉeno! . . .
La tempo venis . . . ĝi jam pleniĝis
Kiel vazet' de veneno.

LEO BELMONT.