Impreso
La poemon Impreso de Arthur Rimbaud, elfrancigis Julian TUWIM el "Sensation".
La traduko unue aperis en "Pola Esperantisto", 1914.
Impreso[redakti]
Mi iros tra kampvojo dum krepusk' somera,
Piedpremante herbon, per gren' tikletata,
La nudan kapon mian tuŝos vent' vespera,
Mi sentos freŝan flaron de l' herb' aromata!
Pri nenio mi pensos, mi nenion diros,
Sed estos en kor' mia ia am' sen fino...
Kiel cigano ĝoja mi antaŭen iros
Tra naturo – feliĉa, kvazaŭ kun virino!
La franca originalo[redakti]
SENSATION
Par les soirs bleus d'été, j'irai dans les sentiers,
Picoté par les blés, fouler l'herbe menue,
Rêveur, j'en sentirai la fraîcheur à mes pieds.
Je laisserai le vent baigner ma tête nue.
Je ne parlerai pas, je ne penserai rien.
Mais l'amour infini me montera dans l'âme,
Et j'irais loin, bien loin, comme un bohémien,
Par la nature, – heureu-x, comme avec une femme.