Krepusko

El Vikifontaro
Salti al navigilo Salti al serĉilo

Penka Batoeva


Vidu ankaŭ • See also • Vois aussi • Siehe auch: Aŭtoro:Penka Batoeva/Licence


Jen, estas horo de l'krepusko,
post la subiro de la suno,
nek estas nokto, nek plu lumo,
nun estas horo de la revoj.

La longa tago jam forpasis
Per paŝoj paŝoj, malrapidaj,
nebuloj grizaj kaj humidaj
la gajan venton ie kaŝas.

Kaj niaj lacigitaj homoj
eniras trans la hejmajn sojlojn,
etendas la soifajn brakojn
por ies pura, varma mano.

Kiu ilin atendas ene?
Ĉu la fajrujo ĵetas flamon,
aŭ miragoj mortaj ludas,
aŭ silento muta muĝas?

Ho, bela horo de l'krepusko,
per milda mano, per favoro
brakumu vi la tuthomaron
por la benita nokta ĝojo!