La renkonto de ŝipoj

El Vikifontaro
Jump to navigation Jump to search
Regu ondojn Indekso : La renkonto de ŝipoj
de Thomas Moore
Tradukita de Antoni Grabowski
El Parnaso de Popoloj
Rodika
La renkonto de ŝipoj
elangligis Antoni GRABOWSKI

 When o'er the silent seas alone
 For days and nights we've cheerless gone.

Kiam ni longe sur maroj vojiras,
Tagoj kaj noktoj eterne sin tiras,
Ho, kiel dolĉe, komprenas ŝipano,
Velon renkonti sur grand-oceano!

Ĉiu okulo radias,
"Ŝipo hoj" ĝoje ni krias;
Dume revenas respondoj:
"Ŝipo hoj!" sonas sur ondoj.

Kaj malrapide ni venas proksime,
Ĉiuj pri hejmo parolas intime,
Sed nin disigas adiaŭ turmenta
Por revojiro sur maro silenta.