Libereco

El Vikifontaro
Salti al navigilo Salti al serĉilo
Indekso : Libereco
de Nithard Stricker
Tradukita de Christine Siedl
El: Esperanto-Praktiko Berlin, 3-a jaro, n-ro 7, julio 1921.

Ĉevalo tre malsaĝa iam pensis:
"Veturigisto ne valoras pli ol mi,
Samrajte mi pretendas liberecon
Kaj volas troti nur laŭ propra melodi'."
Perforte demetinte bridon, ŝnuron,
Galopis la ĉevalo for sen iu cel';
Senbare malfermita ja nun estis
Al ĝi la tuta bela mondo por ribel'.

Kaj kiel ĝojis ĝi pri l' libereco!
Laboro por ĝi estis tute fremda sort' -
Sed daŭris nur tri tagojn; ĉar la kvaran
Malsato regis jam anstataŭ ĝoj' kaj fort'.

"Feliĉon libereco ne havigas!"
Ĉevalo diris, retrotante al la stal'.
Punbatojn donis la veturigisto,
Sed ankaŭ donis li nutraĵon al ĉeval'.

Jen, kia nun la pens' de l' besto estas:
"Veturigisto do valoras pli ol mi;
Belega estas ja la liberceo,
Sed tute sen gvidado - vana iluzi'!"