Malnova Testamento (Zamenhof)/Psalmaro/121

El Vikifontaro
Psalmaro 121 ()
Tradukita de L. L. Zamenhof
Malnova TestamentoPsalmaro (p. 528)
Elŝuti kiel: Elŝuti kiel ePub Elŝuti kiel RTF Elŝuti kiel PDF Elŝuti kiel MOBI
Kanto de suprenirado.

1 Mi levas miajn okulojn al la montoj:
De kie venas al mi helpo? 2 Mia helpo venas de la Eternulo,
Kiu kreis la ĉielon kaj la teron. 3 Li ne lasos vian piedon falpuŝiĝi;
Via gardanto ne dormetas. 4 Jen ne dormetas kaj ne dormas
La gardanto de Izrael. 5 La Eternulo estas via gardanto;
La Eternulo estas via ombro ĉe via dekstra mano. 6 En la tago la suno vin ne frapos,
Nek la luno en la nokto. 7 La Eternulo vin gardos de ĉia malbono,
Li gardos vian animon. 8 La Eternulo gardos vian eliron kaj eniron,
De nun kaj eterne.