Ne rigardu

El Vikifontaro
Iri al: navigado, serĉi
Amaj folietoj Indekso : Ne rigardu (1912)
de Wiktor Elski
Al J.....
Aperis en Unuaj agordoj.



Mia kara vi trezoro
        mia bela,
Ne rigardu tiel rave
        svenigante!...
De l' rigardo mia koro
        per ĉiela
Ĝuo tremas, iel save
        ĝin ŝirante.

Ne rigardu per okulo
        nesincere,
Sed per brilo de l' radia
        kora flamo,
Tiam estos feliĉulo
        mi laŭvere,
Se en unu vorto via
        estos l' amo.