Nobilem Christi

El Vikifontaro
Salti al navigilo Salti al serĉilo

> Ĉefpaĝo:Esperanto
> Kategorio: Brevier-Himno
> Sistema listo de ĉiuj latinaj Brevier-Himnoj
> Alfabeta listo de ĉiuj latinaj Brevier-Himnoj

Brevier-Himno[redakti]

esperante:

Lerte ni kantu pri virino nobla,
ĉar ŝi imitis la edzinon fortan,
kiun prikantas unu tuta paĝo
en la Biblio.

El viva fido, el espero pia,
el Dia am' – radik' de bonaj faroj –
tute nature naskis ŝi la amon
al la gefratoj.

Kristo, moviĝu per meritoj ŝiaj,
ke Vi pardonu niajn nocajn pekojn,
por ke el puraj koroj ni sonigu
ĝustajn laŭd-kantojn.

Virt' kaj honoro estu al la Patro,
laŭd' al la Filo kun solena kulto,
same potenco al la Sankta Spiro
nun kaj eterne.

latine:

Nobilem Christi famulam diserta
voce cantemus, decus æmulatam
feminæ fortis, sacra cui profudit
pagina laudes.

Cui fides vivax, pia spes amorque
in Deum fervens, operum bonorum
fertilis radix, amor unde fratrum
nascitur ultro.

Motus illius meritis, remitte
sontibus nobis scelus omne, Iesu,
ut tibi puro resonemus æquas
pectore laudes.

Sit Patri summo decus atque virtus,
laus tibi Nato celebrisque cultus,
Flamini Sancto parilis potestas
nunc et in ævum.


Latina teksto:

Franciscus Reuss CSSR, † 1924

Esperanta traduko:

Albrecht Kronenberger 2008

Breviero:

Komunaj tekstoj > unu virino > matena laŭdo

Eksteraj ligiloj[redakti]