Novjara bondeziro

El Vikifontaro
Iri al: navigado, serĉi
Ne plendu la koro... Indekso : Unuaj agordoj
de Eska
Novjara bondeziro
Se majo alvenos

Novjara bondeziro

Al "Fajfanto".

En la gaja tag' novjara
Al vi skribas mi
Kaj deziras: mia kara
En la gaja tag' novjara
Bone fartu vi.

En laboro esperanta
Progresu vi pli:
El ĉielo stel' brilanta,
En laboro esperanta
Helpadu al vi.

Kvankam baroj sur la vojo
Kune iru ni;
Do antaŭen kun la ĝojo,
Kvankam baroj sur la vojo
Sed brilas radi'.

Kaj briletas verda stelo
Ĝoju amikar',
Jam proksima ĝi al celo,
Briletanta verda stelo
De l' esperantar'.

Ni do voku la naciojn
En la tuta mond',
Ni do semu verdfoliojn,
Ni do voku la naciojn
Al la unu rond'.