O Roma felix

El Vikifontaro
Salti al navigilo Salti al serĉilo

> Ĉefpaĝo:Esperanto
> Kategorio: Brevier-Himno
> Sistema listo de ĉiuj latinaj Brevier-Himnoj
> Alfabeta listo de ĉiuj latinaj Brevier-Himnoj

Brevier-Himno[redakti]

esperante:

Feliĉa Romo, kiun la valora sang'
de tiom da ĉefuloj vestis per purpur'!
Superas vi la brilon de la tuta mond'
ne propralaŭde, sed dank' al la sanktular',
kiun per sangavidaj glavoj murdis vi!

Do ambaŭ nun martiroj, vi en pleja glor',
vi sankta Petro, Paŭlo vi, lili' de l' mond',
herooj triumfantaj en ĉiela hal',
per viaj preĝoj benaj vi protektu nin
de kiu ajn malbon', kaj supren levu nin!

Al Patro estu glor' tra senmezura temp',
al vi, ho Filo, pompo kaj regadopov',
honoro kaj potenco same al Spirit',
nedisigebla savo al la Triunu'
tra ĉiuj tempoj kaj eonoj, en etern'.

latine:

O Roma felix, quæ tantorum principum
es purpurata pretioso sanguine!
Excellis omnem mundi pulchritudinem
non laude tua, sed sanctorum meritis,
quos cruentatis iugulasti gladiis.

Vos ergo modo, gloriosi martyres,
Petre beate, Paule, mundi lilium,
cælestis aulæ triumphales milites,
precibus almis vestris nos ab omnibus
munite malis, ferte super æthera.

Gloria Patri per immensa sæcula,
sit tibi, Nate, decus et imperium,
honor, potestas Sanctoque Spiritui;
sit Trinitati salus individua
per infinita sæculorum sæcula.


Latina teksto:

Paulinus la 2-a el Aquileja († 802)

Esperanta traduko:

Gerrit Berveling 2009

Breviero:

Propraj tekstoj laŭ la kalendaro > la 29-an de junio > Sanktaj Petro kaj Paŭlo > vespera laŭdo (2)

Eksteraj ligiloj[redakti]