O nimis felix

El Vikifontaro
Jump to navigation Jump to search

> Ĉefpaĝo:Esperanto
> Kategorio: Brevier-Himno
> Sistema listo de ĉiuj latinaj Brevier-Himnoj
> Alfabeta listo de ĉiuj latinaj Brevier-Himnoj

Brevier-Himno[redakti]

esperante:

Viro feliĉa, riĉa je meritoj,
fama martir' pro deco kaj pudoro,
voĉ' el dezerto, pinto de l' profetoj,
sankta Johano!

Helpu nin, ĵeti for el niaj koroj
ŝtonojn malmolajn, por ke ni pretigu
vojon por Dio, kaj ke ni rektigu
Liajn irejojn. (Mat 3,3)

Kiam Li venos je la fin' de l' mondo,
tiam, ni petas, trovu la Savanto
nin senmakulaj, dignaj, ke eniru
Li niajn korojn.

De l' ĉieluloj, Dio, Vi laŭdatas,
tri laŭ personoj, unu laŭ esenco;
ni, la teruloj, jam de Krist' savitaj,
petas kompaton.

latine:

O nimis felix meritique celsi,
nesciens labem nivei pudoris,
præpotens martyr eremique cultor,
maxime vatum.

Nunc potens nostri meritis opimis
pectoris duros lapides repelle,
asperum planans iter, et reflexos
dirige calles,

Ut pius mundi sator et redemptor,
mentibus pulsa macula politis,
rite dignetur veniens sacratos
ponere gressus.

Laudibus cives celebrant superni
te, Deus simplex pariterque trine;
supplices ac nos veniam precamur:
parce redemptis.


Latina teksto:

P. Diaconus

Esperanta traduko:

Albrecht Kronenberger 2009

Breviero:

Propraj tekstoj laŭ la kalendaro > la 24-an de junio > Naskiĝo de Sankta Johano la Baptisto > matena laŭdo
Propraj tekstoj laŭ la kalendaro > la 29-an de aŭgusto > Pasiono de Sankta Johano la Baptisto > matena laŭdo

Eksteraj ligiloj[redakti]