En ia provinco de Sudfrancujo ekzistas turo trafendita de supro
ĝis malsupro. Oni nomas ĝin la trafendita Turo aŭ Turo de Geno
(france Guenes aù Ganelon). Ok tagojn post la malvenko de Rolando
en Roncesvalo (france Roncevaux), la perfida Geno havis en sia kastelo
grandan festenon. Lian perfidon neniu ankoraŭ konis. Karlo Grando
tamen suspektas Genon. Enirinte subite en la manĝohalon, li demandas
lin pri la morto de sia nevo kaj malkovras lian krimon.
De kiam mortis apud Roncesvalo
Rolando, nev’ de blanka Karlo Grand’,
okfoje kovris teron noktvualo ;
sed Karlo venĝos morton de Roland’.
En antikva kastelo multa franca nobelo
estas gasto de Geno perfida.
Falis ja Sarazeno, bruas do la festeno.
Franco kantas kaj trinkas avida.
Fluas vin’ en pokalojn, ĝojiganta vasalojn,
kiuj brave batalis por Kristo.
Ĉirkaŭportas manĝaĵon, prezentadas frandaĵon
multa lerta, agema servisto.
