Ĉi tiu paĝo estis validigita
Ĉu vi timas ke friponoj
El la fremda land’
Rabos vin, patrujon vian
Kiel verrabband’?
Igos la filinon vian
Esti kromedzin’,
Igos filon esti ‘kuli’
Ĝis malbena fin’?
Sciu, ne unua estos
Vi, ho, kara Ĥin’,
Se ne rabas ni aliajn
Oni rabas nin.
Tia estas, oni diras,
Leĝo de natur’,
Tia estas ĉefprincipo
De l’benitkultur’.
Ĉu ne plaĉas al vi tio,
Mia kara Ĥin’?
Ĉu vi volus ke ne nasku
La patrino vin?