Saltu al enhavo

Paĝo:Grabowski - El Parnaso de Popoloj, 1913.pdf/19

El Vikifontaro
Ĉi tiu paĝo estis validigita


Krakovaj muroj ĝoje sonas,
Dum lernantaro multnacia
Dankeme Majstron kronas
Per verdo laŭrfolia.
En niaj koroj, granda hom’,
Stariĝas monumentoj;
Benata via nom’
Ĝi vivos, vivos tra jarcentoj!




SUR UNU KORDO.

(Defendo de l’ rimo.)

◡—◡ | —◡ | —◡ | —(◡)

Sur lir’ dukorda, diris oni, [1]
Ne ebla rima son’, kaj jen
Pro tio devas takt-bastoni
Antikvajn ritmojn Lafonten’.

Do mi demandas ridetante,
Ĉu ne aperos ankaŭ sen
Ornama rim’ estrin’ de Dante, [2]
Vestite en ĥiton’ aŭ ĥlen’. [3]

  1. En la antaŭparolo al "Elektitaj fabloj el la Fontaine esperantigitaj de G. Vaillant (senrime).
  2. Fama soneto "Al mia estrino"
  3. Antikvaj grekaj vestaĵoj.