Paĝo:Grabowski - El Parnaso de Popoloj, 1913.pdf/28

El Vikifontaro
Ĉi tiu paĝo estas provlegita

Vi kuŝu apud senaroma
Malviva kunular’ ĝardena!

Mi tiel sekvu, kiam pasos
De l’ amikeco flor’ fidela,
Kaj el brilanta amo-ringo
Elfalos lasta ŝton’ juvela.

Ĉar kiam velkis veraj koroj,
Sentemaj flugis for el rondo,
Ho! kiu volus tiam loĝi
Solece en malvarma mondo?




4.
SAGO KAJ KANTO.
(El Henry Longfellow.)

I shot an arrow into the air,
It fell to earth, I knew not where.

◡—◡ | —◡ | —◡ | —◡

Mi pafis sagon en aeron,
Ĝi falis ien sur la teron;
Flugante tiel ĝi rapidis,
Ke mi la kuron eĉ ne vidis.