Ĉi tiu paĝo estis validigita
XIII.
SORĈA RONDO.
SORĈA RONDO.
(El Narcyza Żmichowska).
Li:
Kun kandelo kaj lanterno
Kaj brulŝtipo pina
Serĉos mi, ĉu estas ie
Honestec’ knabina.
Ŝi:
Serĉos mi kun luno, steloj
Kaj la sun’ lumanta,
Eble trovos mi junulon
Kun koret’ amanta.
Li:
Mi, serĉinte la knabinon,
Scias en ĉi-horo:
Por eltrovi plej honestan —
Sonu per la oro!
Ŝi:
Lumiginte, rigardinte,
Nun mi diros vere,
Ke junulo ĉiu amas,
Sed — sin mem sincere.
