Paĝo:Grabowski - Nova Antologio, 1909.pdf/31

El Vikifontaro
Ĉi tiu paĝo estis validigita

— „Tre multe!“ — „Nun?“ — „Same!“ —
— ,Jen, kiel mi devis!“ —
— „Vi ne proksimiĝas!" — Do nia raneto
Sin tiel plenblovis, ke fine ĝi krevis.




XIX.
DU FABLETOJ.
(El Stanislaw Jachowicz).


1. LA MAKULO.

Staĉjo veston makuletis,
Ploris kaj pardonon petis.
Panjo la okazon trovas
Por diri: „La veston purigi ni povas;
Sed la tuta vivo via
Restu sen makulo ia,
Ĉar vi kredu ĝin, karulo,
Ne puriĝos la makulo".

2. LA ROZO.

„Rozon vi ne tuŝu, Anjo,
La flor’ pikas“,—diris panjo;
Sed Anneto ne obeis,
Pikis sin kaj poste veis.