Ĉi tiu paĝo estis validigita
Moŝto Hŝonstka! ĉu ĉiujn forprenis diabloj?
Jen fratec’! sabroj sonas, ni iru pacigi.
(Li eliras).
SCENO II.
Zbignjev, la Kastelanino, sinjoro Ĥŝonstka, eniranta tra
alia pordo.
ĤŜONSTKA.
Kie la Vojevodo?
KASTELANINO.
Volu nin informi
Kia krio?
ĤŜONSTKA.
Okazo jen, estrina Moŝto,
Tre malgaja.
KASTELANINO.
Do diru!
ĤŜONSTKA.
Kaleŝ’ post kaleŝo
Enveturis sur korton, Moŝto sinjorina;
El kaleŝoj eliris nobeloj, sinjoroj.
Unujn gvidis sinjoro landmarŝalo Ŝĉara,
Ribelulo kuraĝa, an’ de Lubomirski;
Marŝalo Olgopolski kondukis aliajn,
