Paĝo:Heine - Atta Troll, 1925, Zanoni.pdf/5

El Vikifontaro
Ĉi tiu paĝo ne estas provlegita
Noto de l’ tradukinto

Hodiaŭ mi prezentas al la Esperantistoj tradukon de „Atta Troll“, unu el la plej rimarkindaj poeziaĵoj de Heinrich Heine. La poeto mem nomis ĝin „la lasta arbarkanto romantika“. La antaŭparolo al tiu ĉi poemo, skribita de l’ aŭtoro mem, enhavas ne nur klarigojn pri ĝia poezia motivo, sed ankaŭ tre interesajn konstatojn pri la kaŭzoj, kiuj devigis la poeton, forlasi sian patrolandon. Ni vidas, ke Heine ne estis „transkurinto“, sed ekzilito. Per tio la fabelo pri lia „amfibieco“, elpensita de liaj kontraŭuloj, unu fojon por ĉiam estas entombigita.

En Majo 1925.

Zanoni