Ĉi tiu paĝo estis validigita
La glanoj de l'kverkegoj falas
Apud l'Aŭsera fonto;
La cervoj l'arbobranĉojn maĉas
De l'Ĉiminia monto;
La riveretoj de Klitumno
Ĝojigas la paŝtistojn;
La granda Volsinia lago
Gajigas la pafistojn.
Sed nun apud l'Aŭsera fonto
Hakista bat' ne sonas;
La verdajn vojojn de la cervo
Neniu ajn spionas;
Apud Klitumno, nevidite
Sin paŝtas la bovaro;
Ĉe l'Volsiuia lag' sentime
Sin banas la birdaro.
Rikoltojn de Arretiumo
La maljunuloj havos;
L'obstinajn ŝafojn en la Umbro
Nur junaj knaboj lavos;
Nur ĉe l'ŝaŭmanta Luna mosto
Piedoj blankaj restos
De gajulinoj kies patroj
Al Rom' irintaj estos.
