NACIA VERO
Ĉe rivalecoj inter grupoj, la ĉefa oferato estas
la vero. La plej etan okazintaĵon ĉiu rakontas laŭ sia
maniero. Ne nur tio. Inter la faktoj ĉiu elektas la
plaĉantajn kaj emas memori nur tiujn, kiujn li ŝatas
kredi. Poste li trograndigas ilin kaj traktas kiel mensogojn
la flanke lasitajn.
Kiam alvenis al tio du homoj, ĉio fariĝas malfacila. Inter grupoj, estas multe pli malbone. Inter nacioj, katastrofe. Nenia societo povas kunteniĝi sen ia minimumo de komuna vero.
Por progresi pli antaŭen, scienco fariĝis publika. Ĝi komplete forlasis apartajn antaŭjuĝojn. La preferojn ĝi lasis al privata kampo. Neŭtrala kaj objektiva, ĝi ekzamenadas la faktojn sen atento je plaĉo aŭ malplaĉo. Al tio ĝi dediĉas sian propran lojalecon.
Ankaŭ la tribunala justeco estas publika.
De la individuoj ĝi forigas la privatajn iluziojn.
