ŜTATO KONTRAŬ ŜTATO
Milito estas la sentema punkto, kie du moraloj
interbatiĝas kun siaj du kontraŭaj kutim-potencoj.
Ĉe la homoj kaj ĉe la homamasoj ekzistas instinktopotencoj,
mem kontraŭaj al la ĉiutaga moralo.
Ne tute formortis la batalemo kaj, sub ardado de pasioj, povas revekiĝi la sanga brutaleco. En privata vivo foje aperas ekzemploj de tio. Mortigoj okazas tiam, kiam pasioj ege flamiĝis kaj ĵaluzo blindigas ĉion alian. Sekve, dum estas vere, ke milito renkontas kontraŭ si abomenon pri buĉado, ĝi ankaŭ profitas la fendaĵojn de la pactempa moralo! Rapide ĝi grandigas ilin por sia celo, kaj ĝia heroismo baldaŭ envicigas ankaŭ krimecon kaj brutalecon elĉenigitajn.
Ĝia leĝaro detruas alian kodon. Sufiĉe rapide superregas milito kaj elmoraligas la popolojn. Ĝia brulego formanĝas la fadenon, pacience teksitan de
