Ne estas pli interesa temo en tiu ĉi universala
jarcento ol la sciencaj pruvoj pri la
vivo post morto. Tial estas por mi granda
honoro kaj plezuro prezenti al vi hodiaŭ la
Bahaajn sciencajn pruvojn de la postmorta
vivo. Ni lernas el la instruoj de BAHA’U'LLAH,
same kiel la materia scienco asertas, ke la
fizika korpo estas formita el atomoj, kiuj per
altiro kuniĝas, kaj en tia maniero formiĝas
la korpo. Sed poste, kiam tiu ĉi atomaro dispeciĝas,
oni spertas tion, kio estas nomata
detruo aŭ morto. BAHA'U’LLAH nin instruas,
ke la spirito en ni mem estas tute diferenca.
Ĝi ne estas farita el atomoj, kiuj altiras sin
kaj dispeciĝas, sed kontraŭe la spirito konsistas
el unu elemento, unu substanco. Pro
tio ĝi neniam povas dispeciĝi. La spirito estas
brilego, kiu lumigas la korpon, same kiel la
suno brilas en la spegulon. Oni ne povas
montri iujn ajn parton de sia korpo kaj diri:
„La spirito estas lokita en ĝi.“ La spirito en
sia vera esenco estas senmorta, kaj kiam la
spirito en ni estas vekita — kaj tio ĉi signifas
tion, kio en la Biblio estas nomata la
dua renaskiĝo — ni fariĝas senmortaj tie ĉi
kaj nun. Kiam ni forpasas el la mondo, tiu
ĉi vekiĝinta spirito iras tute konscia en la
