Paĝo:SAT - Proletaria Kantaro, 1924.pdf/18

Jarcentojn daŭris lukt’ obstina
Kaj ofte pagis per ribel’
Popolo pro subprem’ senfina,
Renversis ordon per martel’.
Ankoraŭ tamen vok’ nenia
Per tia granda spiris fort’
Kaj ne minacis iam kord’
De tiu kant’ internacia:
Rekantaĵo.

Potenca malamik’ burĝaro
Sed venas jam de l’ juĝo tag’;
En senkompata ondegaro
Alvenas jam ilia pag’....
Ĝi mem per sia propra mano
La glavon forĝas kiun ni
Returnos iam kontraŭ ĝi,
Kaj falos regno de tiranoj.
Rekantaĵo

Ĉesigos viajn ni festenojn,
Nin ne timigos mortbatal’;
Ni perdos solajn nur katenojn,
Sed nia estos la kampar’!
Mizeraj tremu vi, premantoj!
Resonas ĉie nia kant’,
Sub ruĝa la batalstandard’
Jam ĉiuj sin kunigas landoj.
Rekantaĵo.

En land’ despote premegata
Aŭskultu! — venas uragan’:
Al lukt’ kun premo senkompata
Leviĝas jen popol’ — titan’.
Kaj antaŭ suno de vekiĝo
En ombron jam foriĝas vi!
Antaŭen! Brilas jam radi’
Radi’ de l’ tag’ de liberiĝo.