Antaŭen laborist’!
Kuniĝu al batal’!
Batal’, batal’,
Al mortbatal’
Antaŭen laborist’!
Ni de l’mondo malnova foriru,
Forskuu ĝian polvon ni!
Kun la ora idol’ ligojn ŝiru
Kaj disfalos la sangimperi’.
Al matsata homaro ni venos,
Al mizera ni venos homar’;
Kune ni la krimulojn malbenos,
Ni ĝin vokos al fina batal’.
Rek.: Leviĝu, stariĝu, malsata popol’!
Leviĝu al venĝa batalo,
Eksonu voko de l’homaro:
Antaŭen al batal’![1]
Riĉularo diskaptas avide
Fruktojn de la penega labor’,
Lastan pecon elŝiras inside
Kaj grasiĝas per ŝvit’ de l’ popol’.
Vi malsatu, vin ili ofendu
Kaj en aĉa, surborsa spekul’
Konsciencon, honoron disvendu,
Dum festenas mokanta riĉul’.
Rek.:
Por vi tombo ripozo unika!
Tutan vivon penegu sen fin’;
Car’-vampir’ viajn fortojn eligas,
Car’-vampiro suĉadas ja vin.
