Paĝo:SAT - Proletaria Kantaro, 1924.pdf/55

El Vikifontaro
Salti al navigilo Salti al serĉilo
Ĉi tiu paĝo ne estas provlegita

Salutas fratojn la Satano
Trans mar’, trans ĉiu landa rand’,
:|: Jen nia kamarada mano,
Jen ruĝa nia flagruband’! :|:

Saluton al vi kuniĝemaj
En nova lingva komunec’,
:|: Al ĉiuj vere ribelemaj
Por sen- kaj eksternaciec’! :|:

Malnovajn, vantajn la kutimojn
Ni lasu al filistra kor’
:|: Por ni la mond’ ne havas :
Por ni popolo de l’ labor’. :|:

Rompiĝas pala tradicio,
Respektegata de l’ lacul’,
:|: En la rigard’ al Sennacio
Rompiĝas de l’ pasint’ regul’. :|:

Ekscite naciismo ondas,
La morton antaŭsentas ĝi,
:|: Sur putriĝanta ni jam fondas
Socion de la Sennaci’. :|:

Ankoraŭ regas anarkio,
Ankoraŭ regas nin tiran’,
:|: Sed en rigard’ al Sennacio
Sin armas por batal’ Satan’. :|: