EDIPEO
Ho princo Apolono! se savontan ŝancon
Almenaŭ li alportus! Kiel ŝajnas ke
Anoncas en okuloj liaj ĝojo brila!
PASTRO
Kredeble li raportos favoreme, ĉar
Alie, ne kronata estus lia kapo
De multebranĉa laŭro tute fruktoporta.
EDIPEO
Ni baldaŭ tion scios; ĉar sufiĉe estas
Por aŭdi li proksima. Princo, frato mia,
De Menekeo filo, kian de la dio
Respondon al ni alportante vi revenas?
KREONO
Ja bonan! ĉar mi diras ke se malfacila
Afero tralos celon, ĉio elsukcesos!
EDIPEO
Sed kion do signifas tiu ĉi parolo.
Ĉar ne konfidon ĝi, almenaŭ, al mi donas,
Se de nun timon ne inspiras je l'estonto
KREONO
Ĉu vi deziras, antaŭ ili, aŭdi min,
Ĉu hejmen iri, por paroli mi pretiĝas
EDIPEO
Nu! antaŭ ĉiuj diru. Ĉar min tuŝas plu
Dolor' de ili, ol de mia vivo zorgo.
Angers, presejo Germain et G. Grassin. — 1679-7.
