V. B. Ĝis nun nepresitaj leteroj al V. K. Rogaĉev-Antonov
Ĉiujn mendojn de kursoj, kiuj nun venos dank’ al la anoncoj, kiujn „Espero“ decidis donadi en la gazetoj, mi kalkulados en la sekvanta maniero: de ĉiu 3-rubla kurso mi prenados por mi nur (80kop.) [1] 1 rublon[2] por la libroj, 29 (aŭ 39 se per surmet. pago) kop. por la transsendo, kaj la tutan reston mi transsendados ĉiumonate al „Espero“.
Kara sinjoro! — La mendon No 31 mi danke ricevis kaj plenumis.
La librojn No 44 (5 ekz.) mi sendis al vi kun surmetita pago de 1 r.
| (5 X 20 kop. = 1 r. | |
| Rabato 20%.......................... | 0.20 |
| 0.80 | |
| Transsendo.......................... | 0.10 |
| Surmeto de pago ... | 0.10 |
| 1.00). |
La „Demonon“ mi nun ne havas. Mi havos tiun ĉi verkon post
8—10 tagoj.
☆
Al s-ro Vejtcler (fervoja kuracisto), St. Kupjansk
Estimata kolego! — Vian novan adreson mi enskribos. — Ĉu la „Lingvo Internacia“ estos eldonata en 1900 kaj kia estos ĝia abona pago — mi nun ankorau ne scias, ĉar ne aperis ankoraŭ la numero Decembro 1899. Mi rekomendas al vi la gazeton „L’ Espérantiste“ kiu eliras en lingvoj franca kaj Esperanto kaj kostas 1 r. 80 kop. por jaro.
☆
Al s-ro Th. Thorsteinsson, Kopenhagen
Kara sinjoro! — La 2 ekz. de N 190 mi sendis al vi. — La nomoj de ŝako estas:
| König | — | reĝo |
| Dame | — | damo |
| Läufer | — | kuriero |
| Springer | — | ĉevalo |
| Thurm | — | turo |
| Bauer | — | soldato |
| Schach | — | ŝako (aŭ ŝak’!) |
| Rochieren | — | rok(ad)i |
| Matt | — | mato (aŭ mat’!) |
Pli malgranda eldono de la portreto de esperantistoj ne ekzistas.
Kara sinjoro! -- Pardonu ke mi ne respondis al vi pli frue, ĉar
mi estas terure okupita.
