Portanto de la lum’

El Vikifontaro
Iri al: navigado, serĉi
Informoj pri la teksto
Titolo: Portanto de la lum’
Aŭtoro: Bertilo Wennergren, Martin Wiese
Fonto: [1]
Permesilo: CC BY-SA 3.0

muziko: Martin
teksto: Martin & Bertilo

Vi amis knabinojn, ne timis pri amor’
La vivon plenĝuis per via tuta kor’
Elektrajn gitarojn kun laŭta rokmuzik’
vi ŝatis, mi scias, vi estis ja amik’

Kio okazis al la filo de la nord’
Ĉu provas vi eskapi de la Dia pun’
Mi ludas la gitaron kaj mi pensas laŭ malord’
Vi ne nomu min portanto de la lum’

Vi serĉis la veron, vi legis ĉion ajn
Nun trovis vi ion, sed estas ĝi nur ŝajn’
Lumturo sur pinto misgvidis milojn jam
Por karmo plej pura ne decas anagram’

Mi ŝatas ja lumon de l’ suno kaj l’ anim’
sed ne la mislumon de via profetin’
Vekiĝu kaj fuĝu de tiu fipreĝej’
Revenu al tio, kion vi ŝatas plej