Proverbaro Esperanta (L. Zamenhof, 2a eld.)/Akiro
55. — Akiro kaj perdo rajdas duope.
Enspezo postulas elspezon.
Tempo prenas, tempo pagas.
Hodiaŭ supre, morgaŭ malsupre.
Kiel akirite, tiel perdite.
56. — Pli bona io, ol nenio.
Pli bone malmulte gajni, ol multe perdi.
De ŝafo senlana eĉ lanero taŭgas.
99. — Kiu ne akiras, kiam li povas, tiu poste deziras, sed jam ne retrovas.
Tro elektema ricevas nenion.
Pli bona — estas malamiko de bona.
Ŝiru rozojn en somero, ĉar en vintro ili ne estos.
557. — Peke akirita ne estas profita.
750. — Pli facile estas vilaĝon perdi, ol domon akiri.
Pli facile estas multe elspezi, ol malmulte enspezi.
931. — Kiel akirite, tiel perdite.
1105. — Pli bona estas gajno malgranda, ol granda malgajno.
Pli bona estas io, ol nenio.
Pli allogas kulero da mielo, ol da vinagro barelo.