Sago kaj kanto

El Vikifontaro
Salti al navigilo Salti al serĉilo
Ruĝobuŝa knabineto Indekso : Sago kaj kanto
de Henry Wadsworth Longfellow
Tradukita de Antoni Grabowski
El Parnaso de Popoloj
Saluto al Balkanoj
Sago kaj kanto
elangligis Antoni GRABOWSKI

 I shot an arrow into the air,
 It fell to earth, I knew not where.

Mi pafis sagon en aeron,
Ĝi falis ien sur la teron;
Flugante tiel ĝi rapidis,
Ke mi la kuron eĉ ne vidis.

Mi spiris kanton en aeron,
Ĝi falis ien sur la teron;
Okuloj eĉ de bonvidanto
Ne sekvos flugon de la kanto.

Mi, longe poste, unu tagon,
En kverko trovis mian sagon;
La tutan kanton kun muziko
Konservis koro de amiko.