Sonoj Esperantaj/En plej bela monato

Sonoj Esperantaj (1908) de Leo Belmont
En plej bela monato de Heinrich Heine

EL INTERMEZZO.

Heine.

trad. Leo Belmont.

1.

En plej bela monato, en Maj’,

Kiam ĉia ekfloras la flor’,
Ho, ekfloris ja ankaŭ la am’,
Ĝi ekfloris en mi, en la kor’…

En plej bela monato, en Maj’,
Kiam sonas birdara sonor’,
Eksonoris por ŝi mia kant’
De deziro, de kora dolor’!…

La teksto estas publika havaĵo (public domain). Detaloj pri la licenco troviĝas ĉe la paĝoj de la aŭtoro: Heinrich Heine kaj de la tradukinto: Leo Belmont.