Elektitaj Poemoj de Heinrich Heine/Ne plendas mi

by Heinrich Heine

Mi ĉiam vin amis

Indekso : Elektitaj Poemoj de Heinrich Heine de Heinrich Heine Tradukita de Friedrich Pillath Ne plendas mi

Kie estas la plej kara?

Ne plendas mi, ― rompiĝu, kor', pro vi,
Knabin' perdita nun, ― ne plendas mi.
Jen vi en bril' de diamant-trezor',
Sed regas nokt' en la dezerta kor' ...

Mi scias ĝin .... En ŝonĝo emocia
Mallumon vidis mi en koro via,
Viperon vidis ĉe la koro mi,
Kaj, amatin', kiom suferas vi.