Te Patrem summum

El Vikifontaro
Jump to navigation Jump to search

> Ĉefpaĝo:Esperanto
> Kategorio: Brevier-Himno
> Sistema listo de ĉiuj latinaj Brevier-Himnoj
> Alfabeta listo de ĉiuj latinaj Brevier-Himnoj

Brevier-Himno[redakti]

esperante:

Vin, Patro alta, Vin, ho Dia Vorto,
Vin, ho Spirito – unu Dion – gloras
ĉiuj loĝantaj en la ĉarma parko
de l' paradizo.

Vian misteron, Triunu', neniu
povas ekkoni, tamen ili vidas
Vian vizaĝon kaj per gajaj kantoj
ĉiam Vin laŭdas,

kantas, ke Vi la mondan mason fondis,
regas la kosmon per eterna lumo,
fajron de l' Dia amo en la korojn
sendas de l' Viaj.

Kore ligitaj kun la ĉieluloj
ĥore kunkantas ni iliajn himnojn,
kaj ni esperas, ke ni iam ĝuos
pacon eternan.

latine:

Te Patrem summum genitumque Verbum
Flamen ac Sanctum Dominum fatentur
unicum, quotquot paradisi amœnus
hortus adunat.

Quam modis miris, Trias alma, vivas
percipit nemo, tamen usque in ævum
cælites vultu satias, alacri
voce canentes.

Te canunt mundi statuisse molem,
Lumine æterno regere universa,
ignibus celsi refovere Amoris
corda tuorum.

Mente permisti superum catervis,
iam choris illis sociamus hymnos,
qui tua optamus fore sempiterna
pace beati.


Latina teksto:

nekonata aŭtoro

Esperanta traduko:

Albrecht Kronenberger 2009

Breviero:

Festoj en la ordinara tempo > plej sankta Triunuo > horo de la legaĵoj

Eksteraj ligiloj[redakti]