Vana plendo

El Vikifontaro
Jump to navigation Jump to search
Uta-kantoj Indekso : Vana plendo
de Adam Asnyk
Tradukita de Antoni Grabowski
El Parnaso de Popoloj
Vi estas kiel aŭroro
Vana plendo
elpoligis Antoni GRABOWSKI

 Daremne żale, próżny trud,
 Bezsilne złorzeczenia!

Jen vana plendo kaj sopir',
Senforta la malbeno!
Pasintajn formojn sorĉa dir'
Ne kaŭzos al reveno!

Mond' ne redonos, en regres',
Vidaĵojn de l' revado;
Eĉ fajro, glav', ne estas ĉes'
Al pensoj en kurado!

Kun vivo iri devas ni
Kaj novan vivon doni;
Sed ne per velka laŭrfoli'
Obstine kapojn kroni.

Ne fluos reen viva ond'!
Senfrukta peno tia;
Koler' senforta, ĉar la mond
Sur vojo iros sia!