Vespere

El Vikifontaro
Iri al: navigado, serĉi
Tagmeze Indekso : Vespere (1912)
de Eska
Nokte
Aperis en Unuaj agordoj.


Jam subiris hela suno,
Nokt' arbaron ĉirkaŭpremas,
De la vento arboj tremas --
Lumigitaj per la luno.
    Plendas mia juna kor'
    Pro sopiro kaj dolor'.
Jen arbaro forte bruas,
Lun' kaŝiĝis en nebuloj
Kaj foliojn de betuloj
Sibla vento forte skuas.
    Pro sopiro kaj dolor'
    Plendas mia juna kor'.