Ĉi tiu paĝo estas provlegita
Fajron sentas mi interne,
Vivi ank’e mi deziras, —
Io pelas min eterne,
Se mi al gajuloj iras…
Se ne plaĉas al la sorto
Mia peno ed laboro —
Venu tuj al mi la morto,
En espero — sen doloro!
Dr. Ludwik Zamenhof.
5.
Ho mia kor’.
Ho mia kor’.
Ho, mia kor’, ne batu maltrankvile,
El mia brusto nun ne saltu for!
Jam teni min ne povas mi facile,
Ho, mia kor’!
Ho, mia kor’! Post longa laborado
Ĉu mi ne venkos en decida hor’!
Sufiĉe! trankviliĝu de-l’ batado,
Ho, mia kor’!
Dr. Ludvik Zamenhof.
