Al fratoj litovoj

El Vikifontaro
Salti al navigilo Salti al serĉilo
Al fratoj litovoj ()
Tradukita de Petras Lapienė
Litova Stelo (p. 7)
Elŝuti kiel: Elŝuti kiel ePub Elŝuti kiel RTF Elŝuti kiel PDF Elŝuti kiel MOBI

AL FRATOJ LITOVOJ.

Kiaj altaj montoj
aŭ profundriveroj
por ni baris rektan vojon
al komuna viv’?

Nia ter’ ebena,
la riveroj sablaj, —
nekomprenoj baris vojon
al komuna viv’!

Same sentis koroj,
samon diris pensoj,
sama sango en la vejnoj
vokis al kunviv’.

Fratoj niaj veraj,
plej sub sun’ proksimaj,
ni transiru la barilon
al komuna kort’.