Enciklopedio de Esperanto/Akuzativo kun infinitivo
Akuzativo kun infinitivo. En ĉi tiu frazkonstruo apud la rekta komplemento staras infinitivo, kiu signas la agon de l’ rekta komplemento. En E la AKI estas uzata nur post la verboj de perceptado (vidi, aŭdi, senti); ekz; mi vidis lin fali; mi aŭdis lin paroli, ktp. Ĉi tiu formo propre ne estas »klasika«, tamen, mem Z rekte konsilas ĝin anstataŭ la peza predikata adjektivo: mi vidis lin falanta; mi aŭdis lin parolanta.
Ĉe aliaj verboj AKI ŝajnas kontraŭa al la E-a lingvospirito. Do trazoj, kiel ekz: mi esperas lin veni; mi kredas lin sukcesi; ŝajnas evitindaj. KALOCSAY.