Kanteto pri Steleto

El Vikifontaro
Jump to navigation Jump to search
Indekso : Kanteto pri Steleto (1913)
de Max Sultzberger
El: The Esperanto Monthly, London.

American Edition.

Volume 1, N-ro 4, aprilo 1913.

Max Sultzberger (Croydon's Grupo) Kanteto pri Steleto.

Kion do vi tie faras,
Bela, brila, eta stel',
Kiu alte supre staras,
Diamanto en ĉiel'?

Vi nin dolĉe alridetas
Kun trankvilo kaj mister';
Jen subite vi flametas,
Ruĝe, blue, en l' aer'!

Vi nin ĉarmas kaj ĝojigas;
Vi nin tuŝas en la kor';
Via lumo nin plenigas
De inspiro kaj fervor'.

Al feliĉaj vi parolas
Per kolora maltrankvil';
La plorantojn ekkonsolas
Via pura, blanka bril',

Ĉiu homo vin admiras;
Nin allogas via bel' ;
Ĉiam alten vi nin tiras,
Pli proksime de l' ĉiel',

Per radioj de espero
Brilu forte, kara stel',
Por ni homoj sur la tero,
ĉar vi estas ja anĝel'!

Noto[redakti]

Kantebla laŭ la irlanda melodio: The Last Rose of Summer